ನಕ್ಕೊ ನಕ್ಕೊ ನಸ್ರುದ್ದೀನ್
ಮುಲ್ಲಾ ನಸ್ರುದ್ದೀನ್ ಕತೆಗಳನ್ನು ಆಗಾಗ ನಾವು ಪತ್ರಿಕೆಗಳಲ್ಲಿ ಓದುತ್ತೇವೆ. ನಸ್ರುದ್ದೀನನ ಪ್ರಾಮುಖ್ಯವೇನು ಎಂಬುದನ್ನು ಒಶೋ ತಮ್ಮೊಂದು ಉಪನ್ಯಾಸದಲ್ಲಿ ತಿಳಿಸಿದ್ದಾರೆ. ಆತನ ಜೋಕುಗಳಿಲ್ಲದೆ ಅವರ ಉಪನ್ಯಾಸಗಳು ಮುಗಿಯುತ್ತಿರಲಿಲ್ಲ. ನಸ್ರುದ್ದೀನನ ಬಗ್ಗೆ ಓಶೋ ಹೇಳಿದ ಮಾತುಗಳನ್ನು ಸಂಗ್ರಹಿಸಿಕೊಟ್ಟಿರುವ ಈ ಕೃತಿಯಲ್ಲಿ ಆತನ ನೂರಾರು ಕತೆಗಳನ್ನು ಕೊಡಲಾಗಿದೆ. ನಸ್ರುದ್ದೀನ ಪೆದ್ದನೆ, ಬುದ್ಧಿವಂತನೆ, ಧರ್ಮನಿಷ್ಠನೆ, ಧರ್ಮಭ್ರಷ್ಟನೆ? – ಪ್ರಶ್ನೆಗಳು ಇಂದಿಗೂ ಜೀವಂತ. ತನ್ನ ವ್ಯಕ್ತಿತ್ವದ ಬಗ್ಗೆ ಹೀಗೆಯೇ ಎಂಬಂಥ ಯಾವ ನಿರ್ಣಯವನ್ನೂ ಎಳೆಯಲು ಆತ ಅವಕಾಶ ಕೊಟ್ಟಿಲ್ಲ. ಅವನ ವ್ಯಕ್ತಿತ್ವದ ವಿವಿಧ ಮುಖಗಳನ್ನು ಕಾಣಿಸುವ, ಮುಖದಲ್ಲಿ ಮಂದಹಾಸ ಮಿನುಗಿಸುವ ಹಾಸ್ಯಕತೆಗಳ ಸಂಗ್ರಹ ಈ ಪುಸ್ತಕ.
